踏入新年，本来想写D野，但系唔得闲：唔系去玩就系去拜年。唉。本来今日都唔得闲嘎，但系有人放我飞机，咁就写下blog。
回忆：
年廿九：今日，同屋企人去东方广场啊间Pizza Hut道食野，但系等左好耐，等啊等，等啊等，等啊等，足足等左1个钟，唉，终于都食完所谓的中午饭。之后，同表妹一起去大地道睇：花田喜事2010。剧情超搞笑，从开头笑到落尾。shit，夜晚落雨窝。
年三十：同阿妈一起去JUSCO购置年货。哗，个道人山人海啊，个个都争相抢购，好似唔使钱咁。买得太多野啦，原来，有D野D价钱真系好似唔使笔比钱咁嘎。夜晚，食团年饭，之后边睇春晚边睇打pair。输多赢少。春晚期待的小虎队表演不错，再加上必睇的刘谦魔术。唔错!其他就无睇啦，睇左其它台。
年初一：起身，逗利是，每年必增长的金额，实在系好!跟住想系哈票订3点钟的“72家租客”。点知，竟然满场。唯有，睇6点钟阿场.......同老豆老母行下街，之后系应记道食左D野，就去睇电影。依出戏，计埋今次就系第二次，我唔明点解依出戏我睇极都唔厌。唔知系唔系有Stephy参演的原因呢。不过依出戏，剧情，演员阵非常之好，真系百睇不厌啊!跟住晚上又继续打pair，今次输少当赢啦。(截止至写依篇野时，“72家租客”已经睇左4次。继长江7号(3次)、保持爱你(6次)、扑克王(3次)，第二多啦)!
年初二：开年!去婆婆道拜年，年初二往往都系我逗利是最多的一日。再加上今年表姐结左婚，所以会多梗几封。食完开年饭后，大人有大人们的娱乐节目。我地有我地的娱乐节目，烧炮仗，放烟花..........
年初三：在家玩“模拟城市4”，终于唔使入不敷出啦。
年初四：约左5+1去流前阿边打牌(又系打UNO)。之前我讲明3：30先得闲，点知最后被人话迟到。真系无阴公啊。临尾一盘赢翻，都唔使输。嘻，有人垫底啊!
年初五：又在家了。并且今晚的晚饭要自己搞掂。好，索性打边炉......好味!再加上肯德基宅急送，好味!
年初六：今日，本来约左人睇“全城热恋”，但系被人放我plane。咁无计啦，唯有玩“明星三缺一”!杀入冠军赛!
年初七：听日家姐落黎探我。好野!
年初八：收拾心情，准备翻学!下学期努力啊!
BLOG开学一周后update!
